賭王何鴻燊嘅四姨太梁安琪，噚日去澳門睇亞視盃賽馬。問到四姨太覺唔覺近排多咗人去澳門賭錢，佢話都有咁嘅感覺。
世界盃開鑼，香港賭波犯法，唔少球迷去澳門投注，四姨太話：「梗係啦，澳門乜都可以賭，係應該嘅，應份嘅。」講完呢句，佢忽然停咗一陣，望住身邊澳門馬會行政總裁「第一」（梁建民）問：「呢啲嘢講唔講得？」第一點頭向四姨太示意。四姨太又說：「咁就係，呢啲又唔係犯法，澳門咁自由，乜都可以講。」
此外，亞視盃嘅勝出馬匹「開心豪傑」騎師薄奇能向四姨太獻花時，禮貌地輕吻四姨太。
傳真︰2623-9278
電郵︰