張燊悅（圖）頗為留意今屆世界盃，更估計巴西對土耳其有機會打和，或者巴西險勝土耳其二比一。
張燊悅說：「上屆巴西踢得非常出色；雖然之前巴西踢外圍賽表現唔係太好，外界評語麻麻地；但我鍾意睇巴西，佢哋出場點都好睇啲嘅；李華度好勁㗎，重有卡富同卡洛斯，佢哋兩個打左、右衞好掂，搶波叻，係救星嚟㗎。」
張燊悅亦十分欣賞朗拿度，她說：「至於朗拿度就通常都會臨尾先出場，但佢次次一出嚟就俾人盯住晒，成班人圍住佢嚟打；土耳其嘅攔截比較狠，係嗰啲鐘意吼住你上五吋下五吋嚟打嘅人，不過我對朗拿度好有信心，佢好孝順，係好仔嚟㗎，好人有好報吖嘛。」