小記早在一小時前已到達比賽球場埼玉球場附近的地鐵站浦和美園站，車站外已聚集近千個分別來自英格蘭、瑞典同日本嘅球迷，佢哋重周圍問人有冇波飛，但現場所見就一個黃牛黨都冇，相信佢哋只有失望而回。
賽會請咗幾十位身穿露腰衫同熱褲嘅青春美女，在場邊推銷世界盃電話繩，價錢為八百八十日圓（約五十八港元），雖然唔算貴，但款式麻麻，大部份球迷都「睇多過買」。
英瑞大戰正值英女王登基五十周年，一對小王子威廉和亨利雖然是標準足球迷，但因為要參加祖母在教堂的慶祝典禮，兩位小王子都錯過這次比賽的電視直播。
一向貪靚嘅碧咸，佢今場比場對金色波鞋已經夠搶眼，重加咗好多花巧嘢，鞋舌就繡咗仔仔布魯克林個名、英格蘭紅十字圖案同英瑞之戰比賽日期同地點，鞋踭部份就有代表好運既日文字「Gambatte」。
記者曾雁平埼玉直擊