李保安夫婦退休後由從事裝配門鎖的兒子阿健供養，本可安享晚年，豈料阿健接受腦科手術後變成植物人，日前更因心臟衰竭逝世，遺下兩老。夫婦二人現為無力辦理亡兒的身後事而終日憂心忡忡。蘋果日報慈善基金即時撥款，助李伯夫婦支付兒子阿健的殮葬費用。
記者到訪李家時，七十七歲的李保安一直坐在窗前發呆，並不時默然看着客廳中阿健靈位的遺照。其六十五歲妻子陳婆婆向記者歎謂：「阿健一向好孝順顧家，又心地善良，好熱心幫人。我記得有次阿健將自己由細戴到大嘅金鏈攞去當舖抵押，我問佢發生乜嘢事，佢答我：『朋友有急事，我要借錢畀佢周轉，你唔使擔心㗎。』估唔到阿健咁好仔，竟然咁唔好彩！」
約五年前，才三十歲的阿健，因患腦部腫瘤而需接受腦科手術。惟進行多次手術後的一個晚上，阿健心跳及脈搏突然停頓，經搶救後撿回性命，卻一直昏迷不醒。
「當初阿健變成植物人，我哋真係好難接受現實。李伯好錫阿健，有段日子晚晚都留喺醫院陪阿健，唔肯返屋企瞓。呢幾年雖然阿健病情一直冇好轉，李伯日日都去醫院幫阿健洗臉、抹身，始終希望個仔會醒番。」陳婆婆細說。
豈料李伯夫婦日前接獲阿健不治的噩耗，令兩老十分難過，「嗰晚半夜護士打電話畀我哋，話阿健好危險，我哋即刻趕去醫院，但去到阿健已經唔得，醫院話佢因為心臟衰竭救唔番。」面容憔悴的陳婆婆傷心地說。
刻下，李家兩老正為缺錢支付阿健的身後事而彷徨。「我哋打算將阿健遺體火化，向社會福利署申請到啲殮葬津貼，但重未夠錢找數。自從阿健出事之後，我同李伯一直靠綜援生活，𠵱家叫我哋點樣攞筆錢出嚟呢！」
蘋果日報慈善基金了解李保安夫婦的情況後，即時從「殮葬專戶」撥款二萬元，助他們辦理亡兒阿健的殮葬事宜，以解眼前燃眉之急。
捐款編號：C0576
暖流熱線
電話：29908688
傳真：23702192
電郵：
網址：