小小超李澤楷已經有三次自己拿電盈股票做見面禮去挖角的紀錄。繼馬時亨黎高信後，上周又將五百八十一萬四千股送畀新營運總監麥柏喬。不過，電盈最新覓得之非執行董事霍德（冇錯，就係港英最強之布政司霍德）就未聞有此厚禮。咁又係嘅，要獎都應該獎畀做實務嘅人啦。
小小超送股票，電盈就送豬仔。話說0060為鼓勵人多打長途，特別做咗一套十二款不同國家之豬仔送畀客戶，每周一款。
今個禮拜換菲律賓豬，只要周內打足三十分鐘就免費換。八方聽聞電盈員工近日亦四出撲豬。特別係已經換完嘅日本豬同南韓豬，以滿足球迷親友需要。
（圖）電盈送公仔，你想不想得到？
傳真︰2623-9278
電郵︰