王秀琳、谷祖琳及鍾麗淇昨日齊行婚紗騷，她們三人只有鍾麗淇坦言有結婚衝動，但她聲言絕不會向梁榮忠求婚。而王秀琳更稱自己這次行show沒有用墊托胸。
王秀琳（Mango）、谷祖琳、鍾麗淇及何佩儀昨日穿上性感婚紗，與大班模特兒於尖沙嘴金域假日酒店為《第一屆夏日婚紗之旅博覽》行catwalk。謝賢會駕駛哈利電單車，帶一班穿婚紗的模特兒遊街作開場儀式，但後來四哥怕天雨路滑，而臨時缺席。
對於有說未婚女性穿婚紗時會有結婚衝動，Mango謂她時常穿婚紗，自言對結婚沒有憧憬，首次行婚紗騷的谷祖琳亦不急於結婚，只有鍾麗淇穿起婚紗甚有結婚衝動，她說：「我着過七次婚紗，我鍾意復古嘅婚紗，着婚紗係少女夢想，所以想三十歲前結婚。」問她有否向男友梁榮忠暗示想結婚？她說：「要講緣份嘅，緣份都未到，我唔會向人求婚㗎。」
原來鍾麗淇這次行騷是頂替吳文忻，她說：「佢打電話畀我話有其他嘢做嚟唔到，我咪幫朋友囉。」
此外，Mango昨日穿性感婚紗出現，她說：「我以前着過二十次婚紗，我冇用墊托胸㗎，不過有用釦針扣住，我瘦咗八磅，因為忙於照顧隻狗呀。我𠵱家以工作為重，唔會結婚。」
谷祖琳則說：「我之前拍戲都着過婚紗，行騷就第一次，我十年內都唔會結婚，就算結婚都鍾意着中式裙褂，傳統啲同襯我多啲。頭先換衫時，大家肉帛相見咁，不過我打晒底，而且男仔喺第二間房換，冇乜話尷尬。」
採訪：駱華齡 攝影：陳烱威