天氣悶熱得令人有點心煩氣躁，連要襯個手袋出街都令人頭痛，計小記話心情煩躁時，最好就係去大肆購物一番。今季新到埗嘅藤籃不單止延續了藤織用品的清新自然感覺，再加埋以七彩繽紛嘅尼龍繩交織出不同款式的靚靚圖案，輕輕挽上手帶出街，心情都自然清涼開朗啲！
記者：許穗齡 攝影：林栢鈞
ImageGirl：Crystal
驟眼睇呢個袋唔似藤籃，原因是整個圓桶形的藤籃均以尼龍織面，以藍色及綠色系列的尼龍繩，織出花及葉的圖案，設計夠晒創新。袋口以藍色布打結，都幾特別，再配埋皮帶手抽，夠活潑又夠前衞。
尺寸：9吋x6吋
售價：$399（Zaco）
今年藤籃以尼龍織花為主打，睇埋呢款紫色側孭袋你一定會贊同。藤籃的紫色尼龍織花只集中於一面，以不同深淺度的紫色及綠色尼龍繩織出花花圖案，再襯埋紫色皮製的孭帶，感覺清雅脫俗。
尺寸：12吋x7吋
售價：$369（Zaco）
今季蝴蝶圖案大熱，無論衫褲鞋襪以至小飾物都可以見到蝴蝶嘅蹤影，當然藤籃都唔會例外，呢款藤籃就以黑色尼龍繩織出蝴蝶的形態，中間加上彩色嘅尼龍繩作蝴蝶的圖案，再配黑色珠片鋪面，令黑蝴蝶在陽光下更閃亮耀眼。
尺寸：12吋x8吋
售價：$249（Zaco）
夏日嘅一切事物始終都係以清新為主，不妨考慮吓呢款以青翠綠葉為圖案嘅藤籃。藤籃面以翠綠色及啡色的尼龍繩繡上不同的葉片形狀，籃面再加上綠色珠片作點綴，圖案簡單用色清新，屬易襯衫嘅好選擇。
尺寸：13吋x7吋
售價：$279（Zaco）
以花為主題似乎屬夏日嘅指定動作，呢款藤籃就有少許不同，除咗同樣以尼龍繩織出花朵外，花朵底層就再加入小量棉花托底，令整朵花更富立體感。圖案採用黃色及漸變橙色的尼龍繩，效果搶眼又夠夏日感覺。
尺寸：13吋x10吋
售價：$249（Zaco）
好多人可能對紅色有點抗拒，怕佢太搶太鮮豔，不過小記就覺得呢款以蓆織成嘅紅色手挽袋就幾得意，一啲都唔誇張。蓆袋的袋面更以紅色及淺紫色嘅尼龍繩織出大大粒車厘子，非常立體可愛。袋口以同色蓆綑邊，並以魔術貼封口，唔怕袋內物件跌出嚟。
尺寸：8吋x8吋
售價：$800（2人館）
其他推介
呢款蓆籃嘅外形有如一頂倒轉了的花邊草帽，造型夠晒搞笑。蓆籃以橙色格仔布為底，外加一層織蓆，袋口位置再綑上一層厚厚嘅橙色格仔花邊，帶點郊遊野餐籃的感覺，平日出街配襯一身白衣打扮，絕對襯到絕。
尺寸：14吋x11吋
售價：$800（2人館）
嫌成個藤製嘅籃太重的話，呢個藤籃係一個不錯的選擇。籃的外形以藤織成，籃內配襯石磨牛仔布袋，再在袋上縫上不同顏色嘅小石及珠仔，為較為平凡的款式增添不少生氣。
尺寸：12吋x11吋
售價：$159（Zaco）
想要款式較斯文大方嘅藤籃，一樣有好選擇。呢款以淺藍色蓆條織成嘅手挽籃，袋面就以淺藍色絲帶編織成花形圖案，並以白色及綠色作為花蕊，整個袋以淺藍色系列為主，夠晒清新得體。
尺寸：10吋x7吋
售價：$100（2人館）
店舖資料
Zaco（23011328）
尖沙嘴加連威老道54號W地下
2人館（28951468）
銅鑼灣金百利UG808號舖