二十三歲「破產神童」王致生又嚟嘞！佢的確係有無比韌力，為還一百二十萬債，早排寫新書講述自己過去一年創業嘅大起大落，重向港府局長級高官一人寄一本，連董特首都有份，希望佢哋畀啲回應。結果神奇小子今趟又有收穫，有回音嘅人，包括董建華、政務司司長曾蔭權、規劃地政局局長曾俊華、民政事務局局長林煥光、庫務局局長俞宗怡同埋教統局局長羅范椒芬。
王致生話，其中林煥光覆信最長，大概有一百個字，內容係鼓勵佢，話佢嘅人生重可以有好多個二十三歲，所以要繼續努力。食腦神童又有新搞作，佢同「生命天使」計劃合作，加印新書一萬本，喺今日正式推出熱線電話（27718844）訂書服務，話每賣一本書，會捐十蚊畀「生命天使」作經費。
（圖）王致生（左）與「生命天使」計劃合作，加印一萬本新書。
傳真︰2623-9278
電郵︰