今屆世界盃祥物賣相認真麻麻，可以話係近屆最醜樣吉祥物，唔知係咪銷情唔理想，近日推出一款由一個類似芝麻街公仔着住日本隊球衣的公仔，就幾受日本球迷歡迎，唔少市民見到都望多兩眼，有啲重覺得幾靚，買埋佢㖭。
日本雖然崇洋，不過，日本警方同市民對足球流氓就認真怕怕，差不多每日都有報道話，送咗幾多個懷疑係足球流氓的英國人離境，而目前就有二十一個咁多，相信呢幾日將陸續有嚟。至於點分辨係咪搞事分子，就要日本警方至知嘞！
講開日本警察，今次日本賽區就採取最嚴格的保安，除球隊入住嘅酒店，例必有便衣同軍裝駐守，維持秩序，唔准任何球迷同球員有任何之接觸外；比賽當日，更加每場賽事都出動三至四千警員，咁強勁的保安，真係想出事都幾難。