「早幾年我同丈夫離婚、喺人生低潮嗰陣，都有過自殺念頭，諗住死咗去算數，所以我好明白有啲人點解會睇唔開、想帶埋仔女做儍事。」年約四十歲的Pinky由衷表示。
Pinky原任職銀行從業員，婚後悉心照顧兩名女兒及料理家務，擁有一個幸福家庭。惟四年前，Pinky發現丈夫有婚外情，且債務纏身，最後導致家庭破裂，Pinky一度陷入人生幽谷。
幸而，Pinky在胞妹和母親勸導下，成功克服感情困擾、度過婚姻失敗難關。她娓娓道來﹕「妹妹勸我要忍耐、唔好丟低兩個女咁唔負責任。另外佢同媽媽隨時都會聽我傾訴，對我幫助好大。」
在逆境中重生的Pinky，近年更積極參與非牟利志願團體「勵絃樂舍」的服務，助人助己。「我經義務工作發展局轉介，最初喺勵絃樂舍主要做義務文書工作。由於我鍾意唱歌，故嘗試做行政會務，又參與探訪活動，結果愈做愈投入，覺得每次同其他義工去醫院唱勵志歌曲，又表演樂器，唔單止可以將歡樂帶畀啲病人同公公婆婆，自己亦好開心、好享受做服務嘅過程。」
勵絃樂舍於九九年初成立，目的是透過義工在探訪活動中演繹勵志歌曲，向身處逆境人士送上鼓勵與關懷，並推廣勵己勵人精神。該會目前有四十名會員，平均每個月進行一至兩次探訪活動，現歡迎有興趣市民加入該會做義工。
查詢電話：23995776
暖流熱線
電話：29908688
傳真：23702192
電郵：
網址：