日本萬人迷木村拓哉，前日應NHK電視台的邀請，到漢城為世界盃開幕直播出任評述。結果木村果然是非一般評述員，爆老友中田英壽行蹤之餘，更私自走出直播室趁熱鬧，興奮得有如一個小球迷。
其實木村起初十分認真兼嚴肅主持直播節目，他以一身黑西裝出現，更說：「可以參加呢場賽事做直播，我真係好榮幸！」然而賽事開始不久，木村即「原形畢露」，先爆肚說：「我今朝先打過畀呀七號（老友中田），佢話開幕會同佢啲隊友一齊！」
接着木村又不斷大叫，進入興奮狀態，其後他更說：「喺直播室都聽唔到出面啲歡呼聲嘅！」說完這番話後，木村便走出觀眾席感受現場氣氛，令其他主持人十分冇癮，只有說：「希望佢快啲返入嚟啦！」