有時大家喺選購二手車嘅時候，除可於有信譽嘅車行購買外，其實各大汽車代理嘅二手車部，亦都可以幫到大家㗎；喺代理嘅二手車部選購，不但更有保障，而且隨時重可能會搵到一啲二手筍盤㖭，就正如今日為大家介紹嘅優質二手保時捷跑車，同埋豐田/凌志嘅優質公司經理車都係唔錯嘅選擇，有興趣嘅朋友不妨留意一下喇。
記者、攝影：黃凱穎
1.保時捷所使用嘅輪胎係有特別嘅要求，同樣係Pirelli嘅P-Zero輪胎，但保時捷專用嘅輪胎會有N2嘅標記，而呢種輪胎並唔係隨處可以買到。
2.原廠保時捷嘅二手車會有德國車廠提供嘅一年保養，包括一年不限里數、維修及零件保養，呢啲零件包括波箱、引擎、傳動軸、風油軚系統、全車油泵、風泵、水泵等系統、全車電動摩打及電子系統。
3.各項保養係依照德國原廠規定，確保可靠。
4.不少前任車主會指定裝配特別嘅設備，例如碳纖維車廂、電子數碼音響系統等等，有時更可能係全港獨一無二。
5.車身經代理嘅重新粉飾，所以車身保養有如新車一樣咁靚㗎。
引擎容積：3387cc
傳動：TiptronicS半自動波
顏色：黃
行車里數：15,000km
製造年份：1998年
首次登記年份：1998年
牌費：2003年1月
手數：1
配備：恒溫冷氣、高級音響、前排電控座椅、天窗、DSP及18吋Turbo版跑車胎軨。
較新車平出一截嘅二手叫價，夠晒吸引之餘，加上1998年車只行15,000公里，以及保養極佳嘅車廂，頓時變得更富吸引力。
引擎容積：1497cc
傳動：自動波
顏色：綠
行車里數：8,166km
製造年份：2001年
首次登記年份：2001年
牌費：2002年8月
配備：恒溫冷氣、合金胎軨及原廠高級音響。
呢部Prius一直由代理方面作保養，故此機械表現甚佳；另外由於Prius採用混合引擎設計，因而能造出極低嘅耗油量，而性能表現重一啲都唔差㖭！
車輛提供：皇冠汽車（28661020）
引擎容積：2995cc
傳動：自動波
顏色：綠
行車里數：45,314km
製造年份：2000年
首次登記年份：2000年
牌費：2003年2月
配備：恒溫冷氣、原廠音響、真皮車廂、合金胎軨及桃木裝飾。
ES300係凌志車系中最抵玩嘅一部，老實講呢台3.0公升引擎同Camry有所不同，加速力來得更好兼好有跑味；另外，車廂布局亦見豪華，可算係今次二手車介紹中較有個性嘅一部。
引擎容積：1988cc
傳動：自動波
顏色：黃
行車里數：3,841km
製造年份：2001年
首次登記年份：2002年
牌費：2003年1月
配備：恒溫冷氣、CD音響、真皮車廂、合金胎軨、桃木裝飾、包圍、霧燈及Xenon白光燈。
呢部IS200A/TDeluxe連約值$15,000嘅配件，包括全車包圍、Xenon白光燈等，裝有呢套配件嘅IS200喺街上並唔多見，加上行車里數極低，狀態有如新車一樣。
車輛提供：皇冠汽車（25119430）
引擎容積：3179cc
傳動：TiptronicS半自動波
顏色：黑
行車里數：7,000km
製造年份：2000年
首次登記年份：2000年
牌費：2002年3月
手數：1
配備：恒溫冷氣、音響、電控座椅附記憶功能及17吋Boxster跑車胎軨。
呢部2000年車保養極佳，狀態有如新車一樣；而一台3.2公升引擎，亦擁有高達252匹嘅強勁馬力輸出。
引擎容積：3600cc
傳動：TiptronicS半自動波
顏色：銀
行車里數：38,000km
製造年份：1997年
首次登記年份：1997年
牌費：2002年8月
手數：2
配備：恒溫冷氣、高級音響、電控座椅、碳纖維車廂裝飾、後窗水撥，以及天幕版專用17吋跑車胎軨。
1997年推出時售價高達128萬，而且賣到斷市兼要訂車，當時係不少高級行政人員嘅DreamCar；現時呢部行車里數極少嘅911Targa，不但保養佳，就連二手叫價亦見吸引。
車輛提供：保時捷中心（31803919）
原廠代理嘅二手車與街外二手車嘅最大分別，並唔係售後嘅保養問題，而係在於代理收車前後嘅檢查同維修；代理回收二手車前，會詳細檢查該車嘅機件狀況、車身是否完整同有無試過大型碰撞等等。
另外，亦會翻查該車嘅原廠維修紀錄，如果發現該車係無保養記錄，又或者係機件同車身有被改裝過的話，代理會拒絕Trade-in該車。其次，重會為該車重新檢查一遍，發現有問題嘅機件就會換上原廠用品。然而，一般人買二手車都會帶同一位對汽車熟悉嘅朋友睇車，但到代理買二手車就無咁嘅需要，而且亦毋須擔心售後保養，以及保養條款嘅問題，而代理重可以為車主辦理保險等手續。
故此，代理售賣嘅二手車，價錢雖較坊間一般二手車貴，但能有如此完善嘅售前及售後服務同保養，可算係值回票價㗎。