苑瓊丹（苑仔）及謝天華昨日在無綫電視城拍攝電視劇《皆大歡喜》，劇情講述苑仔傾慕謝天華，更做夢跟他舉行婚禮。
一直是豐胸產品代言人的苑仔，昨日穿上宮廷款式婚紗，展示驕人身材，她說：「我嘅身材不含人造色素，係真材實料，無添加！」對於當年同樣穿宮廷服拍MV的「玉女」周慧敏，苑仔說：「人哋係『玉女』，但我係『肉女』，一嚿肉嘅肉。」而充滿自信的苑仔在開工前，竟對現場的工作人員說：「一陣唔好流鼻血。」
苑仔表示有時性感演出亦會令男友呷醋，她說：「佢成日問我啲T恤點解咁細件同咁窄，又要我喺外面加披肩同扣鈕，怕我俾人睇蝕。佢見我着拉鏈衫，又要我拉到好高，夾親條頸之餘心口重焗到生熱痱！」
採訪、攝影：王崇穎