鄭伊健昨日在尖沙嘴Columbia首間旗艦店擔任剪綵嘉賓，對於其師傅羅文的病況，伊健對此說：「總之大家有一種精神，係冇事就冇事㗎啦！」不過他指羅文瘦了頗多。
鄭伊健昨日在尖沙嘴柏麗大道為戶外服Columbia首間旗艦店開幕，擔任剪綵嘉賓。對於有指其師傅羅文（籮記）未來三個月是危險期，伊健可擔心？他說：「梗係擔心啦！我哋去探佢都盡量唔講佢嘅病情，咁早期都話佢得三個月啦，都唔係。總之大家有一種精神，係冇事就冇事㗎啦！」
問伊健籮記是否瘦了很多？伊健亦坦言：「係瘦咗好多，不過佢都好精靈。」談到會否經常去探望師傅？伊健說：「我哋會有一個人負責做代表，如果太多人我怕會阻住佢休息。」伊健經理人林珊珊則補充：「其實我哋今朝（昨早）都有打電話畀籮記，佢重話想要一件Columbia，我哋會留一件紅色送畀佢。」
伊健是次任剪綵嘉賓除了獲酬勞外，還可在世界各地的Columbia分店免費取衫，伊健笑說：「第時我去邊都唔使帶行李，因為佢哋喺美國、歐洲、內地都有分店，咁我去到邊都有衫着啦，如果可以幫佢哋拍埋廣告都幾好。」
至於羅文，他昨日足不出戶在家中休息，而其助手阿東昨日下午六時由外返家，他出外買了一些上海麵麵煮給籮記吃。
對於有指未來三個月是籮記的危險期，阿東不悅說：「我老細都冇事，𠵱家食得瞓得，都癡線嘅，嗰啲醫生又唔係籮記嘅主診醫生，又點會知佢嘅病情。」
阿東又表示未來數天都不會有人探籮記，問籮記有沒有看報道？阿東說：「佢都唔理㗎啦，你哋鍾意寫乜咪寫乜！」而籮記亦有看世界盃，遲些會去覆診，至於張徹入院，阿東說：「籮記都唔知張徹入院，張太都冇講。」
採訪：胡比
攝影：黃文成