2002世界盃昨日已正式開鑼，世界盃熱潮又豈止歡呼聲咁簡單，市面更有唔少以世盃為主題嘅副產品，例如以下小記推介嘅碧咸珍藏玻璃杯、足球碗、電話繩、襟章等等，全部都好有紀念價值，想得到嘅話唔難，只需於惠康內買零食或飲品，再加幾蚊，甚至唔使費用都可以擁有。
記者：陳冰麗
攝影：陳智良
ImageGirl：Mina
現凡買樂事薯片或多樂脆粟米片滿$10，再加多$1即可換取樂事薯片足球碗1個，用嚟盛住薯片，一邊睇世界盃一邊食住，再飲番杯認真爽。
樂事薯片
多樂脆粟米片
鍾意啤一啤嘅，介紹大家飲百威啤酒，特價之外，重送世界盃電話繩1條，五款任揀，分別有中國、日本、巴西、德國及法國，而隨包裝更附送世界盃襟章1個，同時更有機會得到世界盃決賽門劵。
原價$53.2/6罐
有零食自然唔少得飲品，現凡購買百事任何汽水滿$15，即可以$5換購印有碧咸模樣嘅珍藏玻璃杯1隻。碧咸迷絕對不容錯過啦，數量有限，要換好趁手。
一個人唔想下廚嘅話，簡簡單單食個杯麵快捷方便。出前一丁博多豬骨味杯麵質素不俗，而且現正做緊特價，買一送一，平日都要五個零一個，家陣確係相當抵。
即食鮑食用方便，買返去切片加熱就食得，安記澳洲鮑一向品質都唔錯，家陣1罐425克嘅鮑魚平均平一成半，而且買一罐重可以獲贈1盒中華麵館鮑魚麵，內有6個麵，認真超值。另買富麗牌即食鮑魚1罐（特價$208），即可獲贈FIRSTCHOICE清雞湯一罐。
原價$248/罐
由即日起至20/6止，凡買任何獅球嘜食油滿$40，即可參加「獅球嘜神采飛揚大抽獎」以贏取頂級燕盞及莎莎現金禮券。
初榨醇香花生油
原價$67.8/3支
花生油
原價$48.6/3支
今年荔枝大豐收，所以非常抵食，雖然街市都平，平均每磅$8-$10，但超市重超值，只係$5磅，荔枝迷今勻可以食個痛快都唔肉赤啦！
唔好荔枝可以食橙，新奇士橙平均十蚊都唔使有六個，咁抵食買返去榨汁都抵啦！
有飲開威士忌習慣嘅朋友亦有着數，現凡買美國威士忌750ml1樽，除附送多一樽細威士忌，更送可口可樂四罐裝一盒價值$18，多買多送。