SonicTeam在官方網站公布今年夏天會推出GC版《PSOEpisodeI&II》，分四個「套餐價」發售，價錢由9,800日圓至44,500日圓（約港幣$600至$2,700）不等，已開始接受網上訂購。購買後周邊器材同《SEGAPSOONLINEBETA體驗版》會送到府上，「網絡服務」亦於昨日投入服務（體驗期間免收月費），一買咗就即刻玩得！完全版今個夏季推出，訂購人士將可獲分發一隻。體驗版水貨預計下星期三、四到港，貨源幾緊張，價錢唔會平！
因為美版（21/5）同日版（3/6）GC售價降低，香港嘅價格亦會輕微下調至$1,320，想買機嘅要留意喇！
年內發售
PS2中文版遊戲銷情理想（例如《ICO》及《蓋蓋樂》等），預計嚟緊會有大量中文遊戲在年內推出。電腦遊戲代理商華采亦打算染指家用遊戲機代理市場，最近就攞咗KOEI嘅PS2中文版遊戲香港代理嚟做，《三國志戰紀》及《真．三國無雙2》6月推出，《決戰2》7月。
另外，XBOX全能晶片已經研製成功，坊間有師傅可以幫人改美日版XBOX，主機連改機費用為$2,200左右，不過暫時唔接受「齋改」！
文：打機鐵人