孫光華回罵：佢冇良心㗎!
賴雁浪廣州show話前妻好愛佢

美國年輕品牌Mudd前日於廣州舉行fashionshow，任顧問的賴雁浪落力打點，他被問到與前妻孫光華的關係時說：「我諗佢愛我愛到黐晒線呀。」而孫光華則反罵他沒有良心。　記者RitaLeung、EdwardChou廣州直擊

年輕品牌Mudd九五年在美國成立，最近打算進軍內地及香港市場。前日Mudd於廣州白天鵝賓館舉行一場fashionshow，眾女模穿上色彩鮮豔的T恤、牛仔褲展現少女們活潑的一面。而泳裝、bratop和內衣系列，則令台下觀眾看得透心涼。

顧問月薪二萬
演出的模特兒包括有AnaR.、周汶錡及陳嘉容等當紅模特兒。而時裝連鎖店Theme前老闆、孫光華前夫賴雁浪，前日則以Mudd的顧問身份在廣州為fashionshow打點。
現年五十四歲的賴雁浪表示十分感激Mudd遠東區代理人呂鳳英的賞識，他說：「我𠵱家每個月得兩萬蚊人工咋，不過我可以話係等緊翻身機會。」
問賴雁浪為何不邀請前妻孫光華前來廣州捧場？他說：「啲細路考緊試，佢要照顧佢哋，我哋𠵱家互相尊重，亦唔會干涉對方嘅生活。」

「愛到黐晒線」
問賴雁浪有沒有可能與前妻孫光華再續前緣？他說：「儍嘅咩？唔該大家唔好再問呢啲嘢啦。」賴雁浪目前寄住在孫光華的家，問他會否覺得孫光華對他餘情未了？他說：「係呀，我諗佢愛我愛到黐晒線呀。」
孫光華前晚往中環OnPedder店睇show，對於前夫指她「愛他愛到黐晒線」的言論，其後她在電話中回應說：「咁我𠵱家憎佢憎到黐晒線呀，由始至終都係一句，呢個人係冇良心㗎！」