噚日八方翻閱最新一期憲報，無意中發現竟然有人註冊咗「楊森」呢個名。唔通立法會議員楊森突然間想用自己個名做生招牌，所以急急走去註冊？八方即時致電楊森問個究竟，楊議員一頭霧水，話最近自己好忙，冇留意過有咁嘅事，自己更加唔會做啲咁嘅事。
呢間藥廠係美國強生公司（Johnson&Johnson）旗下一間叫Janssen嘅藥廠。呢間公司嘅人同八方講，其實佢哋之前都有擔心政府唔俾佢哋註冊「楊森」做商標，所以請晒法律顧問查核有冇人已經登記咗「楊森」兩字。好彩𠵱家成功登憲報，即係表示已解決法律問題。至於楊議員日後若想用自己個名開間公司又點，楊森藥廠嘅人就話，如果登記時，發覺會令人產生混淆，睇怕楊議員成功登記嘅機會唔大。咁楊森今次咪執輸？
傳真︰2623-9278
電郵︰