今年三月香港溫度創新高，衞生署更提早於本周初進行第二階段的滅蚊行動。在深圳超市選購滅蚊用品，款式又齊又多，價格亦比香港便宜；唯一要考慮的，是大部份滅蚊器以內地安全作準則，所以買返香港用就要經合格機電師改番一個三腳插頭！
記者：梁煒
攝影：SamChan
呢個「卡東歐」滅蚊燈為國內產品，Size約7吋半高、6吋闊、2吋半深，擺於任何角落一樣會引來蚊蟲並用電流把它擊斃。
由「雷達」出產嘅液體電蚊香推出特惠裝附送兩瓶驅蚊液，僅驅蚊液市價就約要?20一瓶，家陣兩支裝只售?33.80，非常抵買。
「拜高」出品嘅電蚊香器放入蚊片就可以連續驅蚊12小時，無線設計十分慳位。每盒電蚊器附送30包電蚊香。
即時想消滅蚊蟲，自然要靠殺蟲水。由國內生產嘅「威滅」殺蟲水，氣味清新兼效力持久。香港一般超市約售$20，但在深圳則只需?5.5。
沃爾瑪購物廣場
電話：（86-755）2305080
地址：深圳市羅湖區鳳凰路12號中山花園裙樓1-3層
營業時間：早上7:00至晚上12:00
交通：從羅湖關口前往，乘的士約8分鐘，車費約?15。