GiGi讚朱孝天醒目

梁詠琪（GiGi）日前跟人氣組合F4其中一名成員朱孝天拍新歌《花瓶雞湯》MV，GiGi對朱孝天百忙中亦抽空來港幫忙非常感激。

一拍OK
GiGi說：「我要多謝朱孝天，因為拍完MV嘅第二日，我要喺朝早六點拍《絕世好B》，如果嗰晚拍MV拍得晏嘅話，咁我即係冇得瞓。
「好彩朱孝天夠醒目，原本預算要三個鐘先拍完嘅情節，唔使十分鐘就拍完。搞到收工嗰陣，我不知幾高興，臨走時我重同佢影咗相。」
今次同朱孝天合作，梁詠琪最意外是朱孝天的廣東話講得很好，後來細問下，才知朱孝天曾在新加坡學講廣東話，所以大家不用花時間教他，當兩人拍一場在金魚缸前互相表白愛意的場面時，一次就拍好，導演都感到意外。