星島集團今日起將《iMail》改名為《TheStandard》，中文名復名《英文虎報》。據聞頭炮搵咗財爺梁錦松做訪問，佢老細何柱國話，革新版將成為一份主攻大中華地區嘅高素質英文財經報章，為關心中國經濟發展的讀者提供更深更廣的商業與金融訊息。《iMail》噚日出最後一份，結束了短暫的兩年歷史，班老外前晚更特登去蘭桂坊飲酒送別。
星島集團前年5月27日公布創立新報章《HongKongiMail》，但兩年嚟《iMail》都未能搵到出路。有前《英文虎報》職員話，以前《虎報》有一定讀者群，主要係菲律賓、馬來西亞等外籍人士，同《南早》嘅歐美籍讀者唔同，但改咗《iMail》後，連原有的忠實讀者都少咗，加上經濟放緩，發展好困難。希望《虎報》復刊，可以重振聲威。
傳真︰2623-9278
電郵︰