世界盃今日正式開鑼，準備飛去日本或韓國睇波兼用手機漫遊的用家要留意，當地網絡分別是PDC及CDMA制式，閣下部GSM手機帶過去一定用唔到。不過，六大網絡商亦有提供當地手機的租賃服務，最新型號的日本機包括可影相的SANYOJ-SA04及PanasonicJ-P02，而韓國機就有CDMA版的Nokia8250及可插GSMSIM卡睇電話簿的WPH-1211。未動身之前一於睇埋各台通話費點計算！
記者：招佩珊 攝影：林栢鈞、周旭文 Model：Crystal
新世界同樣有部可影相的J-SA04租畀你去日本用，而韓國手機就有部WPH-1211。呢部機的特點是兼容GSMSIM卡，用戶可以用番香港SIM卡的電話號碼作韓國漫遊，即係唔使將香港個冧巴轉駁至當地的韓國手機號碼，只要插入SIM卡即可作自動漫遊，在當地的CDMA1800網絡內致電或接聽電話。而用家亦同時可以睇番儲存在SIM卡內的電話號碼，打電話返香港就唔使摷電話號碼咁麻煩。
租金：每日$20（1-13日）、每日$15（14-19日）、每日$12（30日或以上）
手續費：$200
日本手機型號：SANYOJ-SA04
韓國手機型號：WPH-1211
日本漫遊手機的最新選擇是呢部PEOPLES最新返的J-SA04，內置攝錄鏡頭可以影相，而且重可即時以電郵方式傳送返香港。而發送電郵會以打出當地電話計算，例如Send一張相大約要1分鐘，即是要畀$3.7。
租金：每日$20
手續費：$200
日本手機型號：SANYOJ-SA04
韓國手機型號：Nokia8277、HyundaiHGP7000
兩年前去日本公幹，租用的都是沉甸甸的手機，而CSL近期提供的是款式較新兼非常輕磅的PanasonicJ-P02，機身僅重61克。而用於韓國漫遊的手機，與新世界一樣，是可插GSMSIM卡的WPH-1211。
租金：每星期$150
手續費：$230
日本手機型號：PanasonicJ-P02
韓國手機型號：WPH-1211
SUNDAY用戶去韓國就有兩個選擇，分別是LGLGP-1000F、HyundaiHGP7000。而漫遊日本的機款與CSL相同，是款式較新兼僅重61克的PanasonicJ-P02。
租金：每星期$100
手續費：$200
日本手機型號：PanasonicJ-P02
韓國手機型號：LGLGP-1000F、HyundaiHGP7000
三洋C111SA是全球首部適用於日本、韓國、香港及美加等地的CDMA手機，就算你睇世界盃要日本同韓國兩邊飛，只要租一部手機就搞掂，唔使轉機免麻煩。假如你響香港已經用緊呢部機，就連租機費都可以免埋，不過就要事先申請漫遊服務。
租金：每星期$150（由即日至6月15日可以優惠價每星期$50租機）
手續費：$200
日本/韓國手機型號：三洋C111SA
無論去日本或韓國，數碼通所提供的都是Nokia機種。行日本PDC制式的NM206，屬於較舊的機款，外觀同6150有點相似；而適用於韓國的8277，則是8250的CDMA版本。
租金：每星期$150
手續費：$200
日本手機型號：NokiaNM206
韓國手機型號：Nokia8277
1.制式不同須租機
由於日本手機網絡採用PDC制式，而韓國則是CDMA制式，所以GSM手機並不適用，用戶要漫遊必須另行租用適合當地網絡的手機。
2.提早報名預留手機
用戶只可使用同台的日韓漫遊租機服務，而部份網絡商需用戶於出發前3-7日致電熱線預留手機，並於指定門市或客戶服務中心取機。
3.要有飛線及漫遊
用戶要事先申請飛線、IDD及國際漫遊服務，並於出發前將香港的手機號碼轉駁至所租用的日本或韓國手機指定號碼，方可在外地保持通訊。