梁詠琪（GiGi）日前為一本寵物雜誌拍照，愛狗的她跟兩頭罕見的狗隻合照時顯得非常雀躍。GiGi更用骨頭引誘為食的巴仙治犬施丹，只見施丹不停撲高撲低向GiGi手中的骨頭進攻，逗得GiGi十分開心。
梁詠琪（GiGi）是愛犬之人，她日前應明日出版的《犬月刊》邀請，跟兩隻可愛的小狗拍照。GiGi寓工作於娛樂，跟兩隻小狗拍照時不但十分合拍，還玩得十分開心。
跟GiGi合照的小狗都是罕有的品種，牠們分別是巴仙治犬施丹和歌基犬LuLu。GiGi甫見狗女LuLu時，已顯得興奮若狂，她說：「嘩，好得意喎，原來呢種就係歌基犬。」
GiGi不停把頑皮的LuLu擁入懷中，令現場引發了不少歡樂的氣氛。GiGi接着跟狗仔施丹拍照，小狗施丹發現她手中的骨頭，立即顯露出一副「為食相」，以敏捷的動作朝着GiGi手中的骨頭撲高撲低，搶咬她手中的骨頭。
GiGi自己也有多年養狗經驗，她說：「隻巴仙治犬應該係BB狗，佢對乜嘢事都十分好奇，好可愛，但BB狗一定要咁樣先得意。至於另外嗰隻歌基犬LuLu就好定性同好精靈，兩隻狗我都好鍾意。」GiGi果然是識狗之人，狗仔施丹和狗女LuLu分別是三個月大和兩歲大。
此外，跟GiGi談到家中五隻愛犬，她的話題便滔滔不絕。GiGi說：「除咗五隻狗，我重有隻貓叫BB，佢係我喺街執返嚟，當日見佢好可憐咪收養咗佢囉，𠵱家BB好大隻，佢重係啲狗仔嘅大哥。」