經常被無良商人盜印肖像的Twins，近日與廠商合作，推出印有Twins字樣的原子筆、手袋及T恤等產品。Twins今次以分紅方式與對方合作，產品銷量愈好，二人收入便相對增加，故Twins落力催谷，更會叫親戚一起用。
二人組合Twins堪稱新一代廣告寵兒，不過鍾欣桐（Gillian）及蔡卓妍（Charlene）近日推出一系列原子筆、手袋及T恤等，卻並非替產品商賣廣告，而是有份做老闆。
不少商人看中Twins她們的號召力，在未經同意下推出印有Twins肖像及名字的產品，以作招徠。為了肥水不流別人田，Twins最近與Lancer筆廠及Super-X合作，推出印有「Twins」、「雙生兒」及Charlene與Gillian二人名字的原子筆、手袋及T恤，其中原子筆更命名為「TwinsTrio」系列。
今次Twins並無事先收取任何酬勞，而是與生產商採取分紅的合作形式，產品賣得愈多，她們就賺得愈多。
Twins二人不約而同笑說：「成日有啲fans會攞住印咗我哋個樣嘅筆盒、筆記簿之類嘅產品，畀我哋簽名，後來有一次講笑傾開，話不如我哋自己出就實發達，點知真係有廠商搵我哋喎，真係好笑。」
與廠商合作推出的產品銷售成績愈理想，Twins就賺得愈多，故兩位靚女都異口同聲表示有少許做老闆的感覺，並會落力推銷商品，希望生意興旺。
Twins笑說：「我哋自己會用，梗係會叫埋親戚朋友一齊用啦，我哋要賺多啲、賺多啲。」據知，下月初Twins更會為推出的手袋及T恤，舉行簽名會作宣傳。