四年一度嘅世界盃今晚七點半正式開鑼，由上屆冠軍法國隊和塞內加爾掀開序幕，相信由今日開始直至6月30日，無論你係唔係超級球迷，都會定時定候開電視觀戰。可惜今屆賽事主要在下午和傍晚舉行，撞正閒日開工搭OT套餐想甩身都幾難。唯一慶幸現時大部份公司都有得上網，就算冇電視睇，一樣可以用另一種方式參與盛事。嗱嗱臨開機Bookmark呢啲網址，打後成個月都有用！
文：李淮
雖然唔能夠欣賞整場賽事，但有精華片段睇總好過齋望賽果。作為官方網站，2002FIFAWorldCup將會播足64場世界盃賽事嘅VideoHighlights，相信必定成為網民的長駐蒲點。除此之外，網站重有最近9屆世界盃嘅經典片段重溫、經典球員介紹和新聞速報等環節，真正一網打盡。
2002FIFAWorldCup(tm)
網址：
幾乎每個世界盃網站都唔少得圖片集，不過論質素就異常參差，有啲重求其整一兩張敷衍了事。若果唔怕語言隔膜的話，日本網站不失為觀看靚相嘅好地方。例如Infoseek世界盃特集，便會每日轉載各新聞社嘅世界盃相關圖片，賽事花絮包羅萬有，畫質亦唔差，絕對值得Bookmark低佢。
Infoseek世界盃特集
網址：
數今屆世界盃分組賽重點賽事，英格蘭對阿根廷可謂必然之選，英國BBC電視台亦非常重視呢場火藥味極濃之戰，除了電視之外，網站亦將會有專輯剖析賽事。想觀看詳細賽前預報同網上精華片段，記住密切留意！
BBCSPORTWORLDCUP
網址：
1966年英格蘭領隊藍西率領大軍勇奪世界盃，當中最經典一戰又係對阿根廷，不過精采處並非戰況慘烈咁簡單，而係賽後藍西指阿根廷球員為野獸，並阻止己方球員和對手交換波衫。要一次過重溫歷年世界盃嘅有趣事件，TheWorldCupArchive內的「A-ZoftheWorldCup」將可完全滿足你，以後就唔使驚同朋友冇話題啦！
TheWorldCupArchive
網址：
假如瀏覽英文網站唔夠親切，香港一樣有個足球歷史網站，內裏輯錄了歷屆世界盃賽事的重點新聞和賽果，講到資料性方面，雖然未必及得上WorldCupArchive咁詳細，但是勝在全中文講解，簡單易明。
足球歷史
網址：