張燊悅自一年多前迷上水晶後，至今她已花掉約四萬元買水晶飾物，包括八條水晶手鏈和三串水晶頸鏈等。自嘲為神婆的她特別鍾愛可助人緣運的阿根廷紅紋石，故她將紅紋石長戴身上博好運。
圈中人近期掀起水晶狂熱，除梁朝偉、陳曉東和張栢芝等藝人佩戴水晶作為飾物之外，張燊悅（Nicola）對水晶更十分迷戀，她經過一年多以來的鑽研，對晶石之特性已頗具心得，而她更先後花掉超過四萬大元，選購了各式各樣的晶石飾物和擺設，以求好運。
目前Nicola擁有的晶石，計有三條頸鏈和八條手鏈，晶石種類有黃晶、孔雀石、雪姬萊、石榴等，但她最愛的則是阿根廷紅紋石，Nicola表示起初她只購買一條二千元的紅紋石手鏈，自佩戴後發覺真的有助人緣，所以她便重鎚出擊立即加碼，再花上八千元訂購一條紅紋石的頸鏈。Nicola說:「呢隻紅紋石係極度有人緣，我自己就覺得好有效，咪加埋條頸鏈，可以配埋一齊戴。」
Nicola又笑說：「我其實係神婆一名，鍾意水晶嘅原因係我覺得佢靚、搶眼同舒服，呢一年自己就好瘋狂去尋求水晶嘅秘密，我都睇好多書研究㗎。」
除了晶石飾物之外，Nicola還珍藏大、小晶球，而Nicola更揚言家中存放了一座重達一百磅的巨型紫晶洞鎮宅，她說：「我將呢嚿石放咗喺屋企對住門口嘅位置，會聚財同帶嚟好運㗎。」
採訪：朱芷瑩 攝影：陳偉權
場地提供：Onestowatchdancecompany