羅家英、張達明及張國強等，昨日到九龍灣展貿為「2002世界盃嘉年華」節目作綵排，羅家英表示會出任該節目的主持，為期二十日。問到酬勞會否有七位數字時，羅家英笑說：「唔好講到（有線）咁疏爽，張達明就可能有。」
羅家英亦透露稍後會到韓國濟州欣賞中國對巴西世盃足球賽事，並順道到漢城參與中國明星隊對韓國明星隊的友誼賽，羅家英說：「中國明星隊有我、黃日華、譚詠麟、曾志偉同陳百祥嗰啲囉，任達華唔去。」對於屆時明星足球隊會否加強保安，他說：「唔使，最好擄咗我去呀。」
另外，張達明笑言自己雖任該節目主持一個月，但其實對球員的名字不太熟識，經常要請教任達華，達明開玩笑說：「最好佢冇事，唔好俾人綁架，唔係我冇得問㗎嘞！」
採訪、攝影：楊潔雯