張栢芝被某雜誌記者摷其家的垃圾袋，發現有用完的潔陰濕紙巾和店舖A6的欠租信，栢芝昨日強調自小已經很注重衞生，經濟方面亦沒有出現問題。但其A6時裝店昨日則十分冷清。
張栢芝被某雜誌記者摷過其家的垃圾袋，在垃圾袋中，發現有用過的潔陰濕紙巾和時裝店A6的欠租信。
昨日張栢芝透過中國星發言人李小姐表示：「呢篇報道好譁眾取寵，我都係一笑置之，呢本書嘅集團老闆係邊個大家好清楚，我真係冇嘢好回應。不過媽咪自細就教我哋要注重衞生，所以自細我就有清潔習慣。」
對於報道指栢芝的時裝店欠租，栢芝解釋自己只是A6時裝店的董事，公司運作是交由弟弟張豪龍打理。
昨日張豪龍在電話中表示：「其實都唔係欠租，業主每逢一號都會寄信嚟話欠租，提醒我哋四號要交租，呢啲係催交租信，只不過係例行公事，根本就唔係欠租。」
而早前張栢芝接受《明周》林燕妮的專訪時，曾表示自己的儲蓄已花得七七八八，因她很照顧家人。
不過中國星發言人李小姐則強調栢芝的經濟絕對沒有問題，她說：「栢芝每個月可以搵到幾百萬，收入咁高，所以我哋好清楚佢唔會有經濟壓力，至於某雜誌摷栢芝的垃圾袋，發現有女性用品，佢屋企有三個菲傭，嗰啲女性用品係邊個用嘅都唔知啦！點解一定話係栢芝。」
此外，記者昨日曾走訪栢芝的A6時裝店，發現店內除二名職員外，未見有客人光顧，十分冷清。