Rosemary最近搬離母親渣甸山的家，自己另覓居所。母親Julie對此直認不諱，並指女兒想自立，甚麼都自己揸主意，Julie對此顯得很無奈，但她強調女兒不是和男友Gordan同居，只是和女模特兒朋友同住。
混血名模Rosemary母親Julie向來對女兒嚴密監管，曾經大力反對她與男友Gordan拍拖，但因Rosemary態度強硬，Julie最後亦無可奈何接受，並表示自己不是不讓女兒拍拖，只是希望她目前以事業為重。
前日本報記者發現Rosemary和男友在銅鑼灣維園拍拖打網球，十分親熱。與此同時，有消息指Rosemary已搬離母親位於渣甸山的豪宅，自己另覓寓所。Julie最近曾向朋友呻指女兒已搬走，自己雖然不贊成，但亦沒有辦法。
昨日記者就Rosemary搬走一事致電Julie求證，她在電話中無奈地說：「佢（Rosemary）𠵱家係搬咗出去住，佢想自立吖嘛！」
記者問Julie女兒搬走是否先斬後奏？Julie說：「佢𠵱家自己揸晒主意㗎啦！」至於女兒是否和Gordan同居，Julie激動地否認說：「唔係！佢只係搬出去同啲模特兒女仔一齊住啫！」
對於女兒和Gordan拍拖一事，Julie說：「個女要拍拖，做阿媽嘅邊有得話接唔接受吖，𠵱家係佢拍拖，又唔係我拍拖，但係有啲嘢唔應該講太多，感情嘅嘢邊可以保障一世㗎。」
採訪：卓美娟、林妙萍