【本報訊】九八年港姐冠軍向海嵐，對於中國小姐卓靈榮膺應屆環球小姐季軍，很替她開心，認為卓靈是為中國人爭光。
向海嵐昨日說：「我喺電視新聞睇過卓靈個樣，佢身形高䠷，好靚。」
問到向海嵐當年參選環球小姐的情況，她說：「真係好緊張，但記得我當時參賽都係抱見識吓嘅心態，輸贏都係其次，有機會見識吓呢啲大場面，我已覺一生無憾。」
九四年的港姐冠軍譚小環，九五年曾代表香港前往非洲的納米比亞參加環球小姐選舉，雖然當年她在賽事中落敗，但她昨日得悉中國小姐能在環姐選舉中勇奪第三名，感到十分開心，因為證明東方佳麗終於能打入國際選美舞台。
譚小環昨日接受電話訪問時表示：「其實東方佳麗參加國際性選美都未必蝕底嘅，都好講評判嘅眼光，有啲外籍評判會鍾意東方美女，佳麗平日言行都好緊要，評判係睇整體嘅表現。」譚小環稱自己當年雖然落敗，但取到的是十分有用的經驗，她到現時還有和其她佳麗聯絡。