近年，一眾日本K-Car唔單止喺東瀛本土熱賣，就連香港市場亦備受車迷追捧㗎！當中除咗大家熟悉嘅Jazz，以及快將抵港嘅日產March，同好有機會以水貨身份引入香港嘅豐田ist之外，據亞Mark所知，年底前全新萬事得Demio亦會正式登陸香港㖭！呢部早前響東京車展上以概念車示人嘅新款Demio，輪廓有點酷似豐田ist之餘，查實佢嘅包裝、賣相同配備都更勝一籌，聽聞遲吓正式投產嘅Demio，除咗有硬頂標準版及以一身小跑車包裝嘅Sporty型號外，佢重會有昔日萬事得121嘅軟篷頂版，呢部被叫作TokyoDome有透明軟頂嘅Demio新車，相信又會引起一班年輕用家嘅熱烈追捧㗎！
若然你正想擁有一部另類多Fun嘅CityRV小車，而又對新款萬事得Demio感興趣的話，咁就要耐心多等一會喇！