世界盃決賽戰雲密布，一向官仔骨骨嘅行政會議成員兼馬會董事唐英年，都話要湊吓熱鬧，佢噚日響馬會會所請八方飲茶時話：「雖然我對馬嘅興趣大啲，但都會睇波，話晒係咁大嘅盛事。」唐英年重話會力捧中國隊：「我就梗係捧中國隊啦！希望佢贏多啲，我哋大家都會開心啲，但係今次佢哋入到圍，已經係零的突破，我相信大家都好開心，急不及待睇佢第一場波。」
不過，唐英年又怕無乜時間睇波：「周末梗會睇，但相信無乜機會響辦公時間睇。」
身為馬會董事，唐英年深知世界盃熱多少會扯走一啲馬迷，「我估會有一定影響，馬會都有相應措施，譬如多撥多寶獎金，亦響時間上作出小小調動，希望大家興趣多元化，除咗睇波亦睇吓馬。」
傳真︰2623-9278
電郵︰