「電器大王」蒙民偉年頭時爆出一單同老婆楊雪姬嘅離婚案，涉及近五十億身家訴訟，今年一月《壹週刊》重影到佢同一個叫王蓓芬嘅女子，同一個細路女嘅照片。
前晚，北京控股喺灣仔演藝學院贊助咗場大型舞台劇，蒙民偉都有出現，年約四十歲嘅王蓓芬又拖住個七、八歲嘅細路女出現，大會啲公關重上前迎接，叫佢做蒙太，但呢位「蒙太」見到記者即以場刊遮面，乜都唔答。
到中場休息時，蒙民偉眼濕濕咁話：「你哋咁又何苦呢？你哋畀番啲自由我啦。」再問佢𠵱家係咪同王小姐母女一齊住，佢就話：「我唔會答呢個問題嘅。」至於係咪受咗好大壓力，蒙民偉就話：「冇壓力，我唔鍾意就唔鍾意，就係咁。」
傳真︰2623-9278
電郵︰