自推出以來，一直廣受各地車迷歡迎嘅福特Focus，最近外國方面有消息傳出，謂廠方正為其研製緊新一代版本，據聞重有望於嚟緊嘅法國巴黎車展中現身㖭。
從預想圖中可以睇到，新一代Focus嘅外形，望落雖與現有型號相近，但改換上新版Mondeo嘅車首造型設計，望落既突出又吸引，當中一對頗有神氣嘅頭燈，襯以電鍍鬼面罩組合，更能營造有一份懾人嘅魅力。至於車廂方面，雖然未有詳細關於呢方面嘅資料，但據該消息指出，新版Focus嘅空間感將會較現有型號來得更強，而座椅嘅承托力亦見不俗，就連設備配搭亦略有改動，以迎合不同用家嘅需要。機械配搭方面，則會與現有型號相近，但經廠方改良後，引擎輸出數值及性能表現將會來得更好。有興趣嘅車迷，不妨留意一下新車嘅確實推出日期喇。