「俾人冤枉當係禮物」
東東十級恐怖經歷入歌詞

陳曉東昨日舉行新碟記者會，他表示曾遇十級恐怖經歷，更謂那是幫他成長的禮物，並將經歷加在新碟的歌曲中，未知經歷是否與其舊愛張栢芝有關？

陳曉東（東東）昨日在尖沙嘴ClubSignal舉行《從未忘記》新碟記者會，東東全套LV白恤衫長褲配人字拖，手上還戴着一隻Cartier鑽戒。提到有七位女歌手同期出碟，東東被記者會主持張達明笑指他是「歌壇韋小寶」。

「真係排除萬難」
東東上次出廣東碟乃九個月前，今次再出碟，他說：「真係排除萬難，我花好多時間籌備呢隻碟，將好多我嘅經歷放入歌裏面，每一點一滴都有好、有唔好，我不諱言我係一個有過去嘅歌手，有啲恐怖經歷我唔想再回顧，不過呢啲經歷幫我成長。」
問東東所指的恐怖經歷是工作方面或是與舊愛張栢芝的感情問題？他說：「冇需要回顧啦，過咗去就掉晒佢，我成日俾人屈，俾人冤枉，我都當係禮物，人生路唔會永遠平坦，過得到嘅人就會變得更堅強。」
問到遭遇的經歷有多恐怖？東東笑說：「直達十級呀。我唔會形容所有經歷都係恐怖，只係好多甜酸苦辣嘢，好感動有好多人支持我。」

賣性感露大腿
東東新碟附送一本寫真集，當中有一張東東穿短褲露大腿的照片，被張達明開玩笑指他走性感路線，東東說：「性感還性感，絕對唔意淫。感覺健康咪得囉。」
近日有傳英皇成立新唱片公司，欲找東東過檔，昨日環球唱片高層Simon說：「我哋同東東重有超過一年合約，佢有人搵先有價值。」
採訪：蔡如玉
攝影：陳炯威