被林振強彈抱住熊仔扮白癡
梁詠琪：咁多人講即係成功

梁詠琪與玩具熊做對手戲的Fancl纖飲廣告，惹來作家林振強前日在專欄批評，他指無法覺得有人性感，只覺得扮白癡很成功。梁詠琪昨回應廣告有人談論，換一個角度看也是成功的。

專欄作家林振強前日在《蘋果》副刊專欄，談到一位女藝人在某廣告片中，拿着玩具熊在睡房跑來跑去，開心高叫：「瘦咗啦！瘦咗啦！」看見這樣的場面，林振強自言無法覺得有人性感，只是覺得有人扮白癡扮得很成功。林振強所指的女藝人明顯是梁詠琪（GiGi），她最近為Fancl所拍的廣告就是與一個玩具熊公仔做對手戲。
今年事業發展十分稱心滿意的梁詠琪，擔任Fancl的代言人已超過兩年，今年她為該產品所拍的廣告是「SlimUp消脂纖飲24小時輕鬆纖體」。不過GiGi在廣告中的演繹，料不到會惹來林振強的批評。

「冇參與意見」
昨日GiGi接受電話訪問時說：「其實藝人接拍廣告，好多時係依照導演嘅指示去做，我自己就冇參與意見，𠵱家廣告出嚟林先生（林振強）有咁嘅反應，我只可以講每個人睇嘢有唔同角度，我就冇乜意見。不過呢個廣告出街後，有咁多人睇到，有咁多人談論，換一個角度睇都係成功嘅。」

「睇嘢有分歧」
GiGi的經理人公司千禧年代發言人，昨日亦回應說：「林先生係前輩，又係上一代創作人，佢睇嘢可能有佢嘅見解，我哋會接受大家睇嘢有分歧。」