原任職電腦維修技術員的阿豐，近月患嚴重肝病，無法工作，以致生活陷困。「初時我只係冇胃口，冇幾耐成日覺得身體沾寒沾凍同好攰，重發高燒，照X光後證實我患急性乙型肝炎，要入醫院醫咗成個幾月。」
五十五歲的阿豐續歎謂：「個病令我手停口停，出院嗰陣要靠朋友借錢交住院費，另外因為無錢交租，被業主趕走，連個家都無埋，真閉翳！」
獨身的阿豐出院後靠朋友接濟及收留，惟長貧難顧，他近日遂向本報求助。「我唔想攞綜援，打算等個人冇咁攰，精神好嗰陣，可以幫朋友看吓舖、用車仔推啲舊電腦器材賣畀收買佬，甚至上門幫人修理電腦，自食其力。但我𠵱家連畀按金租間板間房住、想有番個家都冇能力，又冇錢搭車覆診，更加好難食到啲有營養嘅食物調理身體。希望好心人幫我捱過今次難關喇。」
蘋果日報慈善基金了解阿豐情況後，即時撥款三千元，助他支付租住板間房按金，應付短暫生活急需。
捐款編號：C0082
暖流熱線
電話:29908688
傳真:23702192
電郵:
網址：