汽車減價作招徠，唔單止引來車迷嘅迴響，而且響汽車市場上亦會帶來連番嘅震動。亞Mark所指咪係上星期五，以特別版優惠價所包裝嘅寶馬520iAExecutiveEdition型號，開賣唔夠幾日就經已賣出近70部車，響同級歐洲車當中，佢個車廂夠闊落、設備又齊又夠豪華，加埋一台2.2公升直6DOHC偈又有唔錯嘅性能表現，響各大歐洲車中難有匹敵嘅對手之餘，佢影響所及重令日本中、高級豪華轎車雪上加霜㗎！皆因可以唔到34萬嘅價錢便可擁有噃！𠵱家限售一百部所餘無多，如果你都想擁有一部咁正又咁豪華嘅寶馬520iA轎車的話，咁就真係要買趁快喇！