祥嫂在丈夫祥哥逝世後，與子女決裂，但最近雙方關係出現新轉機，在本月的母親節，小艾送了花籃和生果籃給祥嫂表孝意。不過昨日祥嫂對會否跟女兒修好一事仍有所保留。
自從鄧永祥（祥哥）去世後，鄧家子女與祥嫂關係一直很惡劣。為了祥哥的產業問題，一家人甚至對簿公堂，但去年底鄧小艾懷孕後，不知是否體驗到為人母之苦，而思念母女之情，在本月十二日母親節，小艾送了一個花籃和果籃給祥嫂。
據悉祥嫂收到花籃及生果籃後曾經向人表示，小艾這樣做可能因為自己將為人母，終於明白做母親的苦況，所以才會有主動修好之意，不過祥嫂暫未有任何行動回應。
記者昨日聯絡祥嫂，她在電話中證實說：「係呀！你哋點知？小艾係送咗花籃同果籃畀我，不過我都唔係好明佢送嘢畀我有乜嘢意思。不過人哋啲嘢我都唔想講咁多，你知啦，我曾經受過傷害，𠵱家你問我會唔會原諒小艾，現階段真係唔方便講。」
記者向鄧小艾求證此事，她在電話中說：「喺母親節嗰日，我的確係送過花籃同果籃畀我阿媽，其實冇乜特別意思，只不過係母親節，禮貌上送啲嘢過去啫。都咁多年，有好多嘢唔會再咁執着，至於話佢冇乜反應，咁咪由佢囉。我都話係母親節，先會禮貌上做啲嘢。」
小艾的預產期在今年八月，昨日她到診所覆診，小艾說：「𠵱家個肚好大，我肥咗三十磅，有時行得耐會幾辛苦，不過𠵱家我每日都有返楚留香酒樓，並唔係乜都唔做。」