西洋菜街每日特定時間轉為行人專區後，愈來愈旺，黃昏時間成條街逼滿細路，剛好奶路臣街交界間金漆招牌生果撈開張，手持一杯芒果爽口咬生果班戟、腳踏行貨關刀波鞋，已成時下九龍系𡃁仔最新標記。
月餅場鄰近西洋菜街，聽講最近都食到行人專用區個勢，功夫L話呢排生意大有改善，個場旺丁之餘亦旺財，場內氣氛比以前好咗好多，原來管理公司積極改進，聯同老闆仔逆巿求存。
聽聞場內有減租優惠，當然唔係免費午餐啦，但條件合理：只要勤力做好間舖，營業時間要長，午飯前開門，於傳媒雜誌曝光率高，吸引多啲生客前往，帶旺個場，就可傾減租優惠。旺角老行尊話，可能打工仔𠵱家工作時間長咗，每晚九點幾先開始多客，11點幾重做幾千蚊生意絕唔出奇，所以商場開夜啲至夠醒目。
老實講管理公司都算用心良苦，小東主租落間舖，做好盤生意乃係天公地道，𠵱家竟然靠業主推動租客。衷心希望香港人，快啲醒喇！
主持人：大食Jack
八卦熱報：