黎明、羅家英及任達華等人，昨日齊往九龍灣展貿中心，出席有線世界盃嘉年華活動。早前羅家英曾大爆有明星足球隊成員被綁架，而據傳此人正是任達華，導致華仔對羅家英亂說話甚表不滿。昨日兩人自不和後首次同場出現，自然成為傳媒焦點。
記者會完畢後，華仔以趕時間為由欲急步離開，後經記者安排終與羅家英合照，而華仔亦大方地搭着羅家英膊頭，羅家英則做了個狀似道歉的動作。
其間羅家英更向華仔說：「有乜唔滿意好講喇。」隨即指着在場記者指他們是害人精，而華仔則笑說：「呢個世界大家都知乜嘢真乜嘢假，我亦冇嬲佢，大家唔會有條刺，佢係老頑童，小朋友咁，鍾意玩。」
羅家英得悉華仔並無責怪他後，顯得甚為安心，還辯稱自己一向慎言，今次事件只是一時口爽，連阿姐汪明荃亦因此事而責怪他。
此外，黎明對於有fans投訴他日前在公益金節目中，出鏡率甚少，他解釋說：「主人家係影得少啲，但加加埋埋，相比余錦基我算多過佢。」