由Twins的蔡卓妍與Shine的徐天佑合演的《這個夏天有異性》，日前在街頭拍攝時，因BB不停哭泣，導致徐天佑十分狼狽，幸得大發母愛的蔡卓妍出手，才令BB破涕為笑。
由Twins與Shine兩對組合主演、馬偉豪導演的《這個夏天有異性》，將於下月中上映，這部影片特別以年輕偶像歌手演出，也是為迎合暑期檔多年輕的觀眾。
該片以兩對戀人的故事來發展，Twins的蔡卓妍與Shine的徐天佑是一對，不過戲中是蔡卓妍主動追求對方。日前兩人在九龍塘拍攝一場照顧BB的戲份時，因BB哭個不休，令他倆感到手足無措。
馬偉豪因劇情需要，找了一個八個月大的BB來拍攝，他昨日在電話中說：「呢場戲係講天佑搵咗一個BB嚟拍廣告，但佢又湊唔掂，一抱個BB就喊唔停，搞到佢要搵鍾意佢嘅蔡卓妍嚟幫手。」
馬偉豪續說：「正式拍嗰陣，BB真係好戲，喺天佑手中時，真係喊唔停，搞到要不斷NG。呢個BB都幾巴閉，每次到場開工，除咗有媽咪陪住之外，重有一個菲傭。個BB幾好戲，所以我至會揀佢拍呢部片。」
蔡卓妍在拍攝現場不時抱着BB，她說：「我對小孩子都幾有耐性，個BB又肥又可愛，我都好喜歡佢，唔知點解個BB到我手就唔喊。唔好睇我𠵱家年紀細，將來我一定會好有母愛，因為細路仔真係好得意。」