去年患上肝癌的羅文，日前再度入院，有消息指這與他近日為九月舉行的演唱會操勞過度，令其中一粒腫瘤爆裂有關。不過羅文的助手阿東否認該報道，並表示羅文過兩天便會出院。
羅文去年患了肝癌，接受治療後病情已開始穩定，可是近日有消息指病況有變，日前更要在瑪麗醫院留醫。
前日往醫院探望羅文的助手阿東和前助手Terry透露，羅文這次入院只因吃下不潔的魚生，以致引起腸胃炎。不過昨日有報道指羅文今次入院，是因為準備九月中在紅館舉行的兩場演唱會操勞過度，令其中一粒腫瘤爆裂，腹腔有積血，情況令人擔心。
羅文的好友包括周海媚和鄧光榮太太等，昨日紛紛前往醫院探望羅文，而助手阿東則否認羅文因腫瘤爆裂而入院，阿東說：「黐線，佢（指報道）係醫生咩？羅文今日（即昨日）好番好多，佢只係腸胃炎，過兩日會出院。」
有報道指羅文跟容祖兒一起品嘗魚生，以致腸胃炎，阿東說：「羅文好為食，佢嘅腫瘤問題已經穩定，𠵱家佢都食陳伯嘅藥，只要時間脗合，係可以同西藥一齊食。」阿東昨日亦有帶中藥給羅文服用。
而周海媚探望過羅文後則說：「佢精神好好，我同佢傾偈同睇電視㖭。」至於容祖兒昨日在元朗拍廣告，她工作完畢後，已到醫院探羅文。容祖兒說：「今日（即昨日）報紙寫得好誇張，如果師傅（指羅文）喺病房睇到報紙，以為自己好嚴重就會唔開心。」
對於羅文會否為演唱會而太操勞，容祖兒說：「醫生話佢可以做運動，但要適可而止。佢呢次食咗唔乾淨嘅魚生，我以後都唔敢帶佢去食囉。」
採訪、攝影：王崇穎、楊潔雯