「2002DunlopHKAA房車錦標賽」1600cc組別第一及第二回合賽事，經已於5月18及19日，假泰國芭堤雅Bira賽車場舉行；當日除吸引到不少熱衷賽車嘅車手，如詹昌盛、蕭建清、楊全勝、蘇偉明等車手參加外，兩個回合嘅戰況亦見激烈，多部戰車在賽車場上你追我逐，氣氛可謂十分緊張。其中屬B組賽事嘅參賽車手詹昌盛，其戰車喺排位賽前曾出現機件問題，因而令成績一直未如理想；而蕭建清嘅戰車亦因為機件出現問題，而影響咗佢喺排位賽嘅成績。至於兩個回合嘅成績，A組駕駛81號車嘅蘇偉明，於第一回合獲得冠軍，而駕駛127號車嘅鍾國賢則獲得第二回合冠軍；而B組駕駛99號車嘅楊全勝及127號車嘅鍾國良，則分別獲得第一及第二回合嘅冠軍。
另外，大會亦安排有年輕貌美嘅RacingGirl，於賽車場上為一眾車手打氣，從而令賽車場內嘅緊張氣氛變得輕鬆不少㗎。