早前，有過人事變動嘅富士汽車代理，𠵱家集合三人之力，瓜分原有話事人嘅職務，睇嚟又納入番正常嘅運作喇；而位於尖沙嘴區嘅新Showroom，最近亦經已正式開張㖭！
至於佢哋下一步嘅部署，自然會係普羅車迷所關注嘅全新ForesterSUV啦！據亞Mark所知，新款Forester亦較上一代有好大改進，不論造型、底盤結構、引擎同車廂鋪排，亦較前盡善盡美得多，年初響東瀛本土正式開賣，銷量亦節節上升㖭！聽聞呢部全新SUV嘅Forester，會響嚟緊8月正式登陸香港，而代理亦會提早安排兩部，分別係2.0公升自然吸氣同2.0公升Turbo版率先抵港，供香港一班汽車傳媒率先測試㗎！係鍾情Forester嘅Fans，就要耐心多等一會喇！