鄭伊健昨日到保良局探訪小朋友，原來伊健每次做完探訪都有衝動助養小朋友，更曾兩度填表申請，但都因為填漏或填錯資料而不成事，他昨表示今次會正正經經填表助養兒童。
鄭伊健昨日下午和四十位國際歌迷會成員，齊到銅鑼灣保良局梁王培芳堂探望小朋友，並和fans分成兩組，與小朋友玩遊戲。
伊健更準備了禮物送給小朋友，但其中一位內向的小女孩因為怕醜，竟不肯接受。伊健說：「其實我曾經試過兩次填表想助養小朋友，但次次都填漏嘢或者填錯嘢，所以申請唔到。每次探訪完小朋友我就有衝動助養，但之後又冇咗件事，今次我會正正經經填份表格㗎喇！」
其間，伊健還差點弄哭小女孩，對此他說：「周星馳都係咁啦！我唔怕小朋友喊，佢哋個個都有唔同性格，以前做《430穿梭機》時，假假哋我都讀過吓兒童心理學㗎！」
伊健原本答應了歌迷完成探訪後，一起到紐約戲院看他的新片《當男人變成女人》，但最後因為要工作所以去不成，惟有在現場派戲飛給fans們自己去睇，有fans因為失望而「扁晒嘴」。