坊間近日流傳警務處副處長李明逵將空降懲教署，接替退休的伍靜國做署長，但八方聽聞有人曾經就升職傳聞面對面問過李Sir。李Sir斬釘截鐵話：「我鍾意做警察，點都唔會走！」一派忠心不二，宣誓效忠，比成龍大哥拍系列式的《警察故事》更加長情。
話時話，以李Sir搭地鐵擔心撞穿頭的身高，做明星拍《警察故事》都幾有型！
李明逵一直是警隊下任一哥的頂頭大熱，但李Sir當時表白，留在警隊不一定要做處長，他寧願繼續做警務處副處長，也不喜歡到懲教署升職做署長。又係嘅，工作最重要講興趣。何況，警務處副處長屬D５級，而懲教署署長屬D６級，兩者薪水不過差一萬蚊左右，對中過六合彩頭獎的李Sir嚟講濕濕碎，完全睇唔到調部門誘因。八方睇怕，李Sir過檔懲教署可能係部份人的主觀願望，多數不會成真。
傳真︰2623-9278
電郵︰