王䓪鳴前兩日公開話自己唔會做部長，咁究竟董特首最終會搵幾多個非公務員做部長呢？八方老友昨日在濟南見到梁振英，當然唔放過機會問佢會唔會問責啦。點知佢劈頭第一句就話呢個唔係新聞，但係就話自己有乜決定都要考慮仔女先。冇法啦，佢三個仔女都重細嘛。
咁佢究竟有冇因為未來的工作，問過仔女的意見呢？梁振英即刻拉埋身邊的事來解圍，失驚無神話，自己識得念趵突泉同大明湖的資料，因為要陪仔女做功課咁話。真係畀佢激到跳起。佢話自己一切都未決定喎，不過咁，八方都好欣賞佢最後講拜拜的一句話：「老殘動身要上車嘞！」
﹙圖﹚梁寶榮（左二）與梁振英（右二）手指指，阿松在旁也側目。
傳真︰2623-9278
電郵︰