恒指跌62點,期指跌23點,變成高水22點。禮拜四期指結算,炒好多過炒淡。要搵啲彈力強嘅藍籌Call輪落手。
新地(016)收65元,跌50仙,已經連跌3日,同4日前最高價69元比較,冇咗4元,跌得差唔多矣,係時候有技術性反彈。揀新地Call輪炒,完全唔使傷腦筋,一定係隻9115。隻輪收58仙,散9%,啱價買。等正股反彈1.50至2.0元,揸隻輪大概會有兩成利潤落荷包。
長實(001)昨日亦跌50仙,但隻長實Call輪9043好硬淨,收41仙,只係微順1格。正股有乜變化,窩輪先行;9043跌得少,預示正股就快有運。揀長實Call輪埋手,對象係9063,8月到期,現價50仙,溢價5.4%,槓桿率14.7倍。
電盈(008)最低1.94元,尾市抽番上1.97元,仍Fall2仙。1.94/1.95元乃係上個月試過幾乎跌唔破嘅水平,今回亦係見底。
電盈Call輪可博反彈,9111昨日跌11%,過度,吼呢件唔會錯得去邊。隻輪8月夠鐘,現價20.4仙,8月到期,溢價4.0%,槓桿率9.7倍。
章 盛