伏明霞不出席記協舞會 - 李八方

  伏明霞不出席記協舞會 - 李八方

今個星期五係記協三十四周年籌款晚會,早前八方講過,梁錦松會做晚會嘅榮譽嘉賓。而記協當然想請埋伏明霞出席,更想安排阿松唱情歌。不過,噚日八方收到晚宴正式節目表,認真失望,皆因冇伏小姐芳名,又唔見阿松表演。
不過,呢晚在洲際酒店舉行嘅晚會,都有好多猛人捧場。晚會榮譽券每張千五元,記者券五百元。根據程序,阿松只會齋致辭,不過佢時時都令人有意外驚喜,所以有可能好似講財政預算案時咁爆肚唱番一曲。


傳真︰2623-9278
電郵︰[email protected]